ليش تختار أفينا؟

إحنا في أفينا ما بنبيع وجبات صحية وبروتين بودنغ وبس… إحنا بنشتغل على كل تفصيلة عشان يوصلك منتج نفتخر فيه قبل ما يوصلك.

• الدجاج عنا بينطبخ على 3 مراحل

  أول مرحلة على البخار، وتاني مرحلة شوي، وتالت مرحلة على الجريل مع التتبيلة الخاصة.

  هيك بنضمن طعم ألذ واستواء ممتاز بكل وجبة، والدجاج بيضل جوسي ومستوي منيح. يعني ما في زبون رح ييجي يقلك الجاج مش مستوي إن شاء الله.

• كل وجبة بتنوزن بدقة

  كل مكوّن بالوجبة بنوزنه لحاله على ميزان دقيق، عشان كل زبون يوصله نفس الوزن ونفس الجودة بكل مرة.

  يعني كل وجبة بتنحط على الميزان لحالها، مش إيد الشيف هي الميزان.

• الوزن بعد الشوي

  إحنا منوزن الدجاج بعد الشوي، يعني الوزن المكتوب هو الوزن اللي فعلاً رح يوصلك.

• بروتين بجودة عالية

  بالبروتين بودنغ والبروتين شوت بنستخدم Whey Protein Isolate، المادة الخام الأولية عالية الجودة، بنسبة امتصاص 90%.

  وهو من أنقى وأفضل أنواع البروتين، مناسب للرياضيين ولكل شخص بحب يتغذى صح.

• الجودة قبل أي إشي

  بنختار موادنا الخام بعناية، وبنحرص إنه كل منتج يطلع بنفس الجودة والطعم اللي بتتوقعه من أفينا.

• خدمة عملاء منظّمة

  طلباتكم تحت متابعة فريق كامل، وكل قسم مسؤول عن شغله، عشان نضمن سرعة بالرد ودقة بالتنفيذ وأفضل خدمة ممكنة.

• تطوير مستمر

  كل فترة بنضيف أصناف ونكهات جديدة وبنطوّر المنيو، لأننا بنحب يضل عندكم خيارات جديدة وما تحسّوا بالملل.

• تنوّع وتوفّر يومي

  سواء بدك وجبات أو بودنغ أو بروتين شوت، رح تلاقي تشكيلة كبيرة ومتوفرة كل يوم.

• براند مرخّص وإله مكانه

  إحنا مؤسسة مرخّصة وعنا نقطة بيع فعلية بوادي صقرة، وبنشتغل على اسم تجاري يستحق ثقة كل زبون.

  هدفنا نكون موجودين معكم لسنين، مش مجرد مشروع مؤقت.